صباح الخير عليكم جميعا ... عندي خبرين على السريع جدا، لأني فعلا مستعجلة جدا، أولهم أني لن أحضر العصيان المدني غدا نظرا لسفري إلى عمان، الأردن لتنظيم دورة عن اللاعنف بالنيابة عن المنظمة التي أعمل معها، سأترك بلدي غدا الساعة الثامنة صباحا لأن رحلتي ستغادر الساعة العاشرة، و بهذا لن أحضر الحدث الذي أتمنى أن يكون عظيما ولا يمر مرور الكرام كسابقيه.. نفسي نقدر نغير فعلا، نقدر نعمل حاجة لبلدنا الجميلة، عشان تبقى جميلة، و على رأي ماما حبيبتي "مصر يعني أحنا، لو أحنا كويسين مصر هتكون كويسة و لو أحنا وحشين مصر هتكون أوحش!" كلامها صح جدا.. بصراحة مش عارفة أزاي هقدر أستحمل أقضي خمس أيام بعيد عن ماما و عن مصر، أنا مريضة بحاجة أسمها homesickness .. أدعوا لي أعرف أعمل شغلي على أكمل وجه و تمر الخمس أيام على خير! و لو حد أتصل على تليفوني و وجده مغلقا لا يقلق، أما الأيميل فسأتابعه طول الوقت.. راسلوني على الأيميل على قد ما تقدروا وحياة أغلى حاجة عندكم. مش عاوزة أحس إني سيبت مصر.
الخبر الثاني، هو خبر جامد جدا، و مفرح جدا جدا.. بطريقة بتوع الإعلام أحب أقولكم
"شاهدوني على قناة الحرة
(هههههههه) أصل أنا تم التسجيل معي أول أمس في مكتبي و قولت كلام جامد جدا.. و سيذاع التقرير أيام الأربعاء و الخميس و الجمعة على مدار الساعة في نشرات الأخبار، التوقيت بالظبط مش عارفة الحقيقة! لكن أكيد أول ما أعرف سأخبركم فورا.
خليكم دائما سعداء و أفتكروني
داليا