احنا الولاد
د/ أحمد الديب
احنا الولاد
راجعين قوام
راكبين علي ضهور الجياد
متعلقين في جناح يمامك
اللي راجع م السفر
عاشق نخيلك
حالف لبكره ينزرع ف طمي نيلك
احنا الولاد
راجعين قوام
حالفين نجيلك
حالفين لنتوضي سوا
في تراب نجيلك
مالنا بديلك
احنا الولاد راجعين قوام
لا معانا سيف
ولا وش زيف
ولا يوم نقول عاش الملك
ولا حد فيهم يمتلك
الا الملك
اللي استوي فوق السما
احنا الولاد
راجعين قوام
لازم نسود
نزأر ف وش التاج
زأرة اسود
ما احناش عبيد
ولا هوه سيد
ولا يوم هنتساق بالحديد
احنا الولاد
راجعين قوام