قد يتخيل البعض أني كتبتها من أجل حبيب فقدته, أنا للأسف لا أحب, و لكني أهديها إلى كل إنسان رأيته ملاكا و صدمني الواقع المؤلم فيه, و لعله هو الدرس الذي يجب أن أتعلمه: ليس هناك في الدنيا من يحبك لدرجة أن يفكر في مصلحتك حتى و لو كانت تتعارض مع مصلحته هو نفسه, هيه! و ما الدنيا إلا مسرح كبير
يؤسفني جدا
داليا زيادة
يؤسفني جدا
إني رغم الهجر و القسوة و جرحك
لسه فاكر قلبي حبك
يؤسفني إنه لسه خاضع
في مهانة لعرش مجدك
اللي بأيديا غزلته
و اللي صدقت بغباء أنه استحقك
يؤسفني جدا إني ألعب دور ضحية
وسط أحداث مسرحية
كنت فيها أنت البطل
اللي خدع و اللي أتعشق و اللي قتل
لما بأيديك استباحت
أحلام هوى كان محتمل
يؤسفني جدا
إني أعلن إني من ذنبك بريئة
و إني لما أحكي عنك راح أزيف في الحقيقة
و أدعي إنك ملاك و الظروف هي الخطيئة
أو يجوز ألاقي في الأكاذيب طريقة
تعيد لقلبي كرامته اللي سرقتها
و حرقتها و دفنتها في رماد هوا
يؤسفني جدا
إني أكون مغفلة و متخيلة
إني ف نعيم الجنة و الدنيا أنا
و الحقيقة إني و بكل الصراحة
ماشية في سكك متقفلة
هيه ... دنيا!
تعيش يا قلبي و تنجرح, مش مشكلة!
مش أنت أول قلب يغرق في سراب
من غير لزوم لذكر بعض الأمثلة!
داليــــــــا زيـــــــــادة
سامحوني لم أقصد أن أبث إليكم بعضا من حزني لكني و للأسف الشديد في مود مش تمام